Oes gennych chi syniad, prosiect neu weithgaredd sy’n helpu eich cymuned i ffynnu?
Mae Rhaglen Grant Gwneud Gwahaniaeth BAVO yma i gefnogi grwpiau cymunedol a gwirfoddol sy’n creu newid cadarnhaol ledled Bwrdeistref Sirol Pen-y-bont ar Ogwr.
Gyda chronfa ariannu gyfan o £100,000 ar gael, rydym yn falch o fuddsoddi mewn sefydliadau lleol sy’n dod â phobl ynghyd, yn gwella llesiant, yn cryfhau cymunedau ac yn gwneud gwahaniaeth gwirioneddol i drigolion lleol.
P’un a ydych yn cynllunio digwyddiad cymunedol, yn prynu offer, yn darparu hyfforddiant, yn cefnogi gwirfoddolwyr neu’n rhedeg prosiect amgylcheddol, rydym yn eich annog i wneud cais.
Hyd at £500
Yn berffaith ar gyfer prosiectau llai, digwyddiadau, gweithgareddau neu bryniannau untro a all gael effaith uniongyrchol ar eich cymuned.
Hyd at £3,000
Ar gyfer prosiectau a gweithgareddau mwy sy’n darparu manteision clir i bobl a chymunedau ledled Bwrdeistref Sirol Pen-y-bont ar Ogwr.
Mae sefydliadau’n cael cyflwyno un cais yn unig mewn unrhyw gyfnod o 12 mis.
Mae croeso i geisiadau gan sefydliadau gwirfoddol a chymunedol cyfansoddiadol sydd:
Yn anffodus, ni ellir derbyn ceisiadau gan:
Rydym yn awyddus i gefnogi amrywiaeth eang o brosiectau sy’n gwella bywyd yn ein cymunedau.
Gall y cyllid gyfrannu at:
Ar gyfer grantiau prif ffrwd, gall y cyllid hefyd gyfrannu tuag at gostau staffio a chyfran gyfyngedig o gostau gorbenion sefydliadol lle bo’n briodol.
Gwnewch gais erbyn 12 canol dydd ar 6 Hydref 2026
Sicrhewch fod eich ffurflen gais a’ch holl ddogfennau ategol yn cael eu cyflwyno cyn y dyddiad cau. Ni ellir ystyried ceisiadau anghyflawn neu rai sydd â gwybodaeth ar goll.
Disgwylir i’r panel asesu gyfarfod ym mis Hydref 2026, gyda’r ymgeiswyr yn cael gwybod am y canlyniad erbyn diwedd y mis.
Mae’r nodiadau canllaw ar gael yma.
Rydym yma i helpu.
Os hoffech gael cyngor cyn gwneud cais, neu os oes gennych unrhyw gwestiynau am y rhaglen, cysylltwch â ni:
📧 grantsadmin@bavo.org.uk
📞 01656 810400
Rydym yn gwybod am yr effaith anhygoel y mae grwpiau lleol yn ei chael ar gymunedau ledled Bwrdeistref Sirol Pen-y-bont ar Ogwr. Os yw eich sefydliad yn helpu pobl i gysylltu, yn cefnogi llesiant, yn diogelu’r amgylchedd neu’n creu cyfleoedd i drigolion lleol, byddem wrth ein bodd yn clywed gennych.
Gwnewch gais heddiw a helpwch i wneud gwahaniaeth hyd yn oed yn fwy yn eich cymuned.
🎉 Ymunwch â ni i ddathlu Wythnos Ymddiriedolwyr 2026!
P’un a ydych chi’n ymddiriedolwr profiadol neu’n newydd i’r rôl, ymunwch â ni am brynhawn o rwydweithio, dysgu a phopeth sy’n ymwneud â llywodraethu da.
Mae’n gyfle gwych i:
🤝 Gwrdd a chysylltu ag ymddiriedolwyr eraill
💡 Clywed gan ein siaradwyr gwadd
📢 Cael y diweddariadau diweddaraf gan Gronfa Gymunedol y Loteri Genedlaethol a CGGC
📚 Cael mewnwelediadau ac arweiniad defnyddiol i’ch cefnogi yn eich rôl fel ymddiriedolwr
📅 Dydd Iau 12 Tachwedd 2026
⏰ 4:00pm – 7:30pm
📍 Canolfan Gymunedol Talbot, Mynydd Cynffig
Dewch draw i gysylltu ag eraill a dathlu’r cyfraniad anhygoel y mae ymddiriedolwyr yn ei wneud i’n cymunedau.
Archebwch eich lle nawr!
Mae’n bleser gennym wahodd aelodau BAVO i weithdy gyda Phrif Weithredwr BAVO, Heidi Bennett, a Phrif Weithredwr CBSP, Jake Morgan, i drafod y Strategaeth ‘Gweledigaeth a Thrawsnewid’ sy’n cael ei datblygu: Bwrdeistref Sirol Pen-y-bont ar Ogwr 2040. Nifer cyfyngedig o docynnau sydd ar gael, felly archebwch NAWR i leisio eich barn!
📅 Dyddiad: Dydd Mawrth 22 Medi 2026
⏰ Amser: 10.00am–1.00pm
📍 Lleoliad: Ystafelloedd Pwyllgor, Canolfan Ddinesig, Stryd yr Angel, Pen-y-bont ar Ogwr
Mae’r Cyngor wrthi’n datblygu gweledigaeth hirdymor a Strategaeth Drawsnewid a fydd yn nodi ei nodau a’i uchelgeisiau ar gyfer dyfodol Bwrdeistref Sirol Pen-y-bont ar Ogwr ac yn helpu i lywio sut mae’r Cyngor yn gweithio gyda chymunedau a phartneriaid, gan gynnwys y trydydd sector, grwpiau gwirfoddol a grwpiau cymunedol, i ymateb i’r heriau a’r cyfleoedd sydd o’n blaenau.
Byddem yn gwerthfawrogi’n arbennig safbwyntiau a phrofiad aelodau BAVO wrth ein helpu i brofi a chryfhau’r weledigaeth sy’n datblygu.
Bydd y gweithdy’n gyfle i ystyried:
Byddwn yn dosbarthu crynodeb drafft o’r strategaeth sy’n cael ei datblygu i’r rhai sy’n mynychu cyn y gweithdy, er mwyn rhoi rhywfaint o gyd-destun a’ch galluogi i ddod yn barod i rannu eich safbwyntiau.
Gobeithiwn y byddwch yn gallu ymuno â ni a chyfrannu at y sgwrs bwysig hon am ddyfodol Pen-y-bont ar Ogwr. Mae nifer y lleoedd yn gyfyngedig, felly gwnewch yn siŵr eich bod yn archebu drwy’r ddolen Eventbrite i leisio eich barn.
Er mwyn sicrhau ein bod yn cael cynrychiolaeth eang, rydym yn caniatáu hyd at 2 docyn fesul sefydliad.
Mae ein Bwletin Cyllid diweddaraf bellach ar gael, yn llawn amrywiaeth o gyfleoedd ariannu i sefydliadau gwirfoddol a chymunedol. Gan fod sawl dyddiad cau yn prysur agosáu, rydym yn eich annog i edrych drwyddo cyn gynted â phosibl er mwyn peidio â cholli unrhyw gyfleoedd.
Os hoffech dderbyn y Bwletin Cyllid yn uniongyrchol fel atodiad e-bost yn y dyfodol, cysylltwch â ni drwy e-bostio development@bavo.org.uk, a byddwn yn hapus i’ch ychwanegu at y rhestr bostio.
Mae’r holl gyfleoedd ariannu hyn hefyd ar gael ar ein Bwrdd Bwletin Cyllid newydd ar wefan BAVO yma, neu gallwch eu pori ar Padlet yma.
Mae gwyliau’r haf yma! ☀️
Rydyn ni’n gwybod nad yw cadw’r plant yn brysur ac yn cael hwyl am chwe wythnos yn dasg hawdd, felly rydyn ni wedi creu Padlet defnyddiol yn llawn diwrnodau hwyl i’r teulu, gweithgareddau, a gwybodaeth am lefydd lle gall plant fwyta am ddim neu am ddim ond £1! 🍽️🎉
Oes gennych chi ddigwyddiad neu weithgaredd gwych yr hoffech i ni ei hyrwyddo? Byddem wrth ein bodd yn ei ychwanegu – anfonwch y manylion at Benwilliams@bavo.org.uk 📩
Cadwch i fyny â’r cyfleoedd ariannu diweddaraf – pryd bynnag sy’n gyfleus i chi!
Peidiwch byth â cholli cyfle ariannu gyda Padled Ariannu newydd BAVO. Wedi’i gynllunio i wneud dod o hyd i gyllid yn gyflymach ac yn haws, mae ein bwrdd ar-lein yn cael ei ddiweddaru’n rheolaidd gyda’r grantiau a’r cyfleoedd ariannu diweddaraf ar gyfer sefydliadau a grwpiau cymunedol.
Pam defnyddio Padled Ariannu?
✅ Diweddariadau rheolaidd – Mae cyfleoedd ariannu newydd yn cael eu hychwanegu’n aml, gan eich helpu i gael mantais wrth gyflwyno ceisiadau.
🔔 Derbyn hysbysiadau – Dilynwch y bwrdd i dderbyn hysbysiadau e-bost bob tro y caiff cyfle ariannu newydd ei gyhoeddi.
🌐 Mynediad unrhyw bryd – Ar gael 24/7 ac wedi’i fewnosod ar ein gwefan, fel y gallwch bori cyfleoedd ariannu pryd bynnag sy’n gyfleus i chi.
🗂️ Hawdd ei lywio – Rydym wedi trefnu’r bwrdd yn gategorïau clir, gan ei gwneud yn gyflym ac yn hawdd dod o hyd i’r cyllid sydd fwyaf perthnasol i chi.
Os hoffech gael rhagor o wybodaeth, cysylltwch â benwilliams@bavo.org.uk.
Cliciwch yma i ymweld â’r Padlet ar ein gwefan.
Cliciwch yma i fynd yn syth i’r Padlet.
Ydych chi’n chwilio am gyfle i recriwtio gwirfoddolwyr, codi ymwybyddiaeth o’ch sefydliad a chwrdd â grwpiau o’r un anian?
Ymunwch â ni yn Nigwyddiad Gwirfoddoli Pen-y-bont ar Ogwr ddydd Sadwrn 1 Awst, rhwng 10:30yb a 1:00yp!
Byddwn ar Stryd Adare, Canol Tref Pen-y-bont ar Ogwr, ochr yn ochr â Marchnadoedd Green Top, felly gallwch fanteisio ar awyrgylch prysur diwrnod y farchnad a chwrdd â phobl o bob cefndir. Efallai y dewch o hyd i’r gwirfoddolwr rydych yn chwilio amdano – neu hyd yn oed ymddiriedolwr newydd!
Os hoffech ragor o wybodaeth, ffoniwch ni ar 01656 810400 neu e-bostiwch volunteering@bavo.org.uk.
Gallwch archebu eich lle drwy glicio ar y ddolen isod.
Ydych chi’n gofalu am rywun sy’n byw gyda dementia ac yn chwilio am ffordd newydd o’u helpu i fwynhau’r awyr iach?
Ymunwch â BAVO a Chlwb Golff Pîl a Chenig am sesiwn flasu golff AM DDIM sy’n gyfeillgar i bobl sy’n byw gyda dementia, mewn amgylchedd hamddenol a chroesawgar.
📅 Dydd Mercher 15 Gorffennaf | 🕐 1.00pm – 3.00pm
Yn ystod y sesiwn, cewch gyfle i:
Sylwer: Rhaid i ofalwr fod yn bresennol gyda’r person y mae’n ei gefnogi.
Dim ond 12 lle sydd ar gael, felly archebwch yn gynnar er mwyn osgoi cael eich siomi. Cliciwch y botwm isod i gadw eich lle.
Heddiw, croesawodd BAVO Wasanaeth Patholeg Cwm Taf Morgannwg (CTM) a Roche, sydd wedi bod yn cydweithio ar fenter gwerth cymdeithasol gyda’r nod o gefnogi cymunedau lleol drwy roi gliniaduron wedi’u hadnewyddu.
Roedd Canolfan Deulu BARC, sydd wedi’i lleoli ym Maesteg, wrth ei bodd yn derbyn y rhodd, gan ddweud: “Bydd hyn yn ein helpu i ehangu’r cymorth rydym yn ei ddatblygu ar gyfer y gymuned.”
Mae’r gliniaduron, sy’n rhan o’u hymrwymiad parhaus i gynaliadwyedd a chreu effaith gymdeithasol gadarnhaol, wedi’u rhoi i grwpiau ledled Bwrdeistref Sirol Pen-y-bont ar Ogwr i’w helpu i barhau â’u gwaith pwysig.
Croesawodd Mark Williams o Mental Health Matters y fenter hefyd, gan ddweud: “Bydd hyn yn helpu llawer o bobl sy’n dod i’r gwasanaeth ac nad ydynt yn teimlo’n hyderus iawn wrth ddefnyddio technoleg.”
Drwy weithio gyda sefydliadau lleol i nodi’r rhai sydd fwyaf mewn angen, mae’r bartneriaeth yn gobeithio gwella cynhwysiant digidol, cefnogi cyfleoedd addysg a chyflogaeth, a sicrhau bod y gliniaduron yn gwneud gwahaniaeth gwirioneddol i unigolion a grwpiau cymunedol ledled ardal CTM.
Hoffai BAVO ddiolch yn fawr i dîm y Gwasanaeth Patholeg yn CTM a Roche am y rhoddion hyn, a fydd yn cyfrannu’n sylweddol at gefnogi grwpiau a’u gwaith amhrisiadwy yn helpu unigolion ledled Bwrdeistref Sirol Pen-y-bont ar Ogwr.
Os hoffech gael rhagor o wybodaeth am fentrau yn y dyfodol, cysylltwch â Development@bavo.org.uk.
Rydym yn falch o gyhoeddi mai llynedd y daethom y CVC CYNTAF yng Nghymru i gwblhau Gweithdy NYTH/NEST, gan drawsnewid ein dull o gefnogi teuluoedd!
Drwy raglen hunanasesu NYTH/NEST, mae Jackie, ein Swyddog Plant, Pobl Ifanc a Theuluoedd, wedi ennill mewnwelediadau newydd i gynllunio a gweithio mewn partneriaeth – gan sicrhau bod lleisiau ac anghenion plant a phobl ifanc yn parhau wrth galon popeth y mae’n ei wneud.
Da iawn, Jackie!
Gallwch ddarllen y stori lawn isod 👇
Ymunwch â ni mewn lleoliad yn agos atoch ar gyfer ein Sioe Deithiol Iechyd Meddwl a Chorff AM DDIM!
Bydd y digwyddiad yn eich galluogi i:
Gwrdd â gwasanaethau a darparwyr lleol sy’n cefnogi eich meddwl a’ch corff
Darganfod adnoddau, offer a chymorth llesiant yn eich cymuned
Cysylltu â gwasanaethau o bob sector
Cymryd camau cadarnhaol tuag at eich nodau iechyd a llesiant
Mwynhau gweithgareddau gan gynnwys ymwybyddiaeth ofalgar, crefftau a chymorth llesiant
Yn dod i leoliad yn agos atoch!
Cliciwch ar y dolenni isod i archebu:
Hoffech chi fynychu fel darparwr?
Cliciwch ar y dolenni uchod a dewiswch yr opsiwn tocyn ‘Vendor’. Os hoffech fynychu gyda gweithgaredd sydd angen mwy o le, sicrhewch eich bod yn dewis yr opsiwn ‘Activity Stand’.
Am ragor o wybodaeth, cysylltwch â Partnerships@bavo.org.uk.
Mae BAVO yn cynnig grantiau o £7,000–£10,000 ar gyfer prosiectau arloesol, bach eu maint, sy’n ymateb i anghenion heb eu diwallu o ran cefnogaeth iechyd meddwl ymhlith trigolion Bwrdeistref Sirol Pen-y-bont ar Ogwr.
Mae’r cyfle hwn yn anelu at gefnogi dulliau creadigol, cymunedol neu bartneriaethol sy’n profi ffyrdd newydd o hyrwyddo lles meddwl.
Rydym yn arbennig o awyddus i glywed am syniadau sy’n:
Yn mynd i’r afael â bylchau mewn cefnogaeth iechyd meddwl neu les lleol
Yn profi ffyrdd newydd o gyrraedd grwpiau nad ydynt yn cael eu cyrraedd yn aml
Yn meithrin gwydnwch cymunedol neu gefnogaeth gymheiriaid
Yn defnyddio dulliau creadigol, digidol neu bartneriaethol
Yn darparu dysgu a all lywio comisiynu neu gyllido yn y dyfodol
Oes gennych chi syniad? Gwnewch yn siŵr eich bod yn cyflwyno’ch cais isod!
🗓️ Nodyn: Dyddiad cau yw 28/11/25
