Wrth i ni ddathlu gwneud gwahaniaeth ym Mwrdeistref Sirol Pen-y-bont ar Ogwr, rydym yn haeddiannol falch o gyflawniadau’r sefydliad – roedd rhaid i ni ystwytho, newid a bod yn ymatebol gyda’r amseroedd newidiol ac rydym wedi dod yn bell ers y dyddiau cynnar! Mae BAVO a’r Trydydd Sector bellach yn bartneriaid strategol allweddol ym Mwrdeistref Sirol Pen-y-bont ar Ogwr ac yn y rhanbarth.
Y canlyniadau rydyn ni’n anelu i’w cyflawni yw:
Sefydliadau trydydd sector cryfach
Trwy ddarparu cymorth, cyngor a hyfforddiant a chyfleoedd dysgu, datblygu sgiliau a meithrin capasiti.
Trydydd sector bywiog a dylanwadol
Trwy sicrhau bod y sector yn dylanwadu ar strategaeth, polisi a ffyrdd o weithio. Gwneud y sector yn rhan annatod o gyd-gynhyrchu ac atebion i faterion lleol.
Trydydd sector cynaliadwy
Trwy ddenu buddsoddiad, broceru partneriaethau, cydlynu cyfleoedd ar gyfer cydweithio, hyrwyddo cyfleoedd ariannu a gweinyddu grantiau.
Cymunedau gweithredol ac amrywiol
Trwy gefnogi a hyrwyddo gwirfoddoli a dinasyddiaeth weithgar, cyfle cyfartal ac amrywiaeth.
Llais i ddinasyddion a chymunedau
Trwy ymgysylltu â defnyddwyr gwasanaethau, pobl â phrofiad bywyd, cymunedau a dinasyddion, i alluogi eu llais i fod yn rhan o brosesau gwneud penderfyniadau lleol sy’n effeithio arnyn nhw a’u bywydau.
__
__
Adroddiad Effaith Blynyddol 2022-23
Adroddiad Effaith Blynyddol 2021-22
Adroddiad Effaith Blynyddol 2020-21
Adroddiad Effaith Blynyddol 2019-20
Adroddiad Effaith Blynyddol 2018 – 19
Adroddiad Effaith Blynyddol 2017-18
Adroddiad Effaith Blynyddol 2016-17
Rydym wedi gweithio’n galed i leoli ein hunain fel cyfranwyr i lawer o feysydd datblygu, ymgyrchoedd, mentrau arloesol ac ymchwil. Rydym hefyd wedi ceisio sicrhau cyfranogiad ac ymgysylltiad y sector fel bod cyfle i aelodau a’u defnyddwyr gwasanaeth ddylanwadu a chyd-gynhyrchu newid a hefyd i gael eu cydnabod fel partneriaid a darparwyr gwasanaeth gwerthfawr a chredadwy.
