Dylai diogelu fod yn flaenoriaeth i bob sefydliad trydydd sector, yn enwedig y rhai sy’n gweithio gyda phlant, pobl ifanc ac oedolion mewn perygl.
Mae diogelu yn rhan werthfawr o fframwaith llywodraethu sefydliad. Mae’n ymwneud â:
Mae angen i elusennau a sefydliadau’r sector gwirfoddol fod yn ymwybodol o’r gweithdrefnau diogelu cenedlaethol i Gymru a lansiwyd ym mis Tachwedd 2019.
Mae’r gweithdrefnau yn manylu ar y rolau a’r cyfrifoldebau hanfodol i ymarferwyr i sicrhau eu bod yn diogelu plant ac oedolion sydd mewn perygl o gam-drin ac esgeulustod. Maent wedi’u cynllunio i safoni ymarfer ledled Cymru a helpu ymarferwyr i gymhwyso’r canllawiau statudol yn Neddf Gwasanaethau Cymdeithasol a Lles (Cymru) 2014.
Gallwch weld y gweithdrefnau yma
Mae’r gweithdrefnau hefyd ar gael fel ap defnyddiol am ddim y gellir ei lawrlwytho i’ch ffôn. Mae’r app ar gael o Google Play ac Apple.
Mae camfanteisio’n rhywiol ar blant yn fath o gam-drin plant yn rhywiol ac mae’n achosi niwed sylweddol i blant a phobl ifanc, gan effeithio ar eu lles i fod yn oedolion. Mae’n hanfodol bod asiantaethau yn gweithio gyda’i gilydd i ddiogelu plant a chefnogi eu hadferiad o gamdriniaeth. Mae’r canllawiau hyn, ynghyd â Gweithdrefnau Diogelu Cymru, yn rhoi cyngor i hyrwyddo arferion diogelu cyson ar draws asiantaethau a ledled Cymru.
Darllenwch fwy yma.
Rhaid i les plant ac oedolion sydd mewn perygl fod yn ystyriaeth hollbwysig i unrhyw sefydliad gwirfoddol y mae ei waith yn dod ag ef i gysylltiad â phobl agored i niwed. Mae gwirfoddolwyr yn chwarae rhan hanfodol wrth wella bywydau pobl agored i niwed, ond nid yw pob gwirfoddolwr yn addas i’r math hwn o waith, ac yn achlysurol iawn, gall fod yn fygythiad. Mae hyn yn golygu cynnal asesiadau risg ar gyfer gwaith sy’n cynnwys pobl agored i niwed, mabwysiadu arferion gweithio diogel i helpu i leihau’r risg, cael arferion recriwtio a dethol da a systemau goruchwylio cadarn.
Cyn cynnwys gwirfoddolwyr, mae’n werth treulio peth amser yn ystyried sut y gallant weithio yn eich sefydliad. Mae’n hanfodol i’r sefydliad nodi tasgau sy’n briodol i’r gwirfoddolwr ymgymryd â nhw, cyn y broses recriwtio a dethol. Gan nad yw gwirfoddolwyr yn disodli gweithwyr cyflogedig, dylid eu hystyried yn ategu’r rôl, gan ddod â gwerth ychwanegol i’r sefydliad.
Recriwtio, dewis a sefydlu gwirfoddolwyr
Yn ddiweddar, mae’r Cyngor Cenedlaethol ar gyfer Mudiadau Gwirfoddol (NCVO) wedi lansio ystod o adnoddau diogelu, gyda chefnogaeth sefydliadau eraill. Ariannwyd yr adnoddau ar y cyd gan yr Adran Ddigidol, Diwylliant, y Cyfryngau a Chwaraeon (DCMS) a Chronfa Gymunedol y Loteri Genedlaethol.
Darganfyddwch am riportio digwyddiadau difrifol yn eich elusen fel ymddiriedolwr
Darganfyddwch am riportio camymddwyn difrifol mewn elusen fel gweithiwr neu wirfoddolwr
Mae’r Gwasanaeth Datgelu a Gwahardd (DBS) wedi diweddaru ei daflenni canllawiau.
Mae amrywiaeth o daflenni eraill sy’n ymdrin â rolau penodol.
Gallwn helpu’ch sefydliad i sefydlu arferion rheoli diogelu da a chynnig hyfforddiant Diogelu Pobl (Ymwybyddiaeth Diogelu Sylfaenol Cymru Gyfan).
Yn ogystal, BAVO yw’r cyswllt trydydd sector i’r Bwrdd Gweithredol Diogelu.
Am fanylion pellach cysylltwch â BAVO, Ff: 01656 810400 neu E: bavo@bavo.org.uk
