Ydych chi wedi cofrestru ar infoengine, cyfeiriadur ar-lein Cymru o wasanaethau’r Trydydd Sector?
Mae infoengine yn gyfeiriadur ar-lein o wasanaethau’r trydydd sector yng Nghymru. Os ydych chi’n fudiad neu grŵp gwirfoddol, drwy gofrestru eich sefydliad bydd gennych restr am ddim yn eu cyfeiriadur cynhwysfawr; gallu hyrwyddo eich gwasanaethau i gynulleidfa eang a denu pobl yn eich cymuned a thu hwnt!
Fe’i darperir a’i gefnogi gan Cefnogi’r Trydydd Sector Cymru, partneriaeth o Gynghorau Gwirfoddol Sirol gan gynnwys BAVO a Chyngor Gweithredu Gwirfoddol Cymru (WCVA).
Mae ganddo dros 4,000 o wasanaethau a gynigir gan fudiadau gwirfoddol a grwpiau cymunedol. Mae’r nifer hwn yn cynyddu’n ddyddiol. Mae InfoEngine yn tynnu sylw at amrywiaeth eang o wasanaethau gwirfoddol a chymunedol rhagorol sy’n gallu darparu gwybodaeth a chefnogaeth fel y gall pobl wneud dewis gwybodus. Gallwch gofrestru eich sefydliad yn rhad ac am ddim ac yna ychwanegu’r gwasanaethau unigol rydych chi’n eu cynnig. Gallwch hefyd uwchlwytho’ch lluniau, logo a thaflenni, yn ogystal â chysylltu â’ch gwefan a’ch cyfryngau cymdeithasol.
Nid yw cofrestru yn cymryd mwy na 10 munud a gall wneud gwahaniaeth enfawr i fywyd rhywun.
Ymunwch â miloedd o bobl eraill a chofrestru heddiw mewn tri cham syml…
Cymerwch olwg ar ganllaw ‘Sut i’ infoengine yma
Ar ôl i chi gofrestru, gallwch olygu’ch cofnodion fel a phryd y bydd angen i chi gadw’ch gwybodaeth yn gyfredol.
